”اعمليها بنفسك”.. جيل وسبراي معطر للبيت والعربية
الأكثر مشاهدة
"اعمليها بنفسك" سلسلة من الموضوعات علشان تعملي بدائل للمنتجات الغالية وسط ارتفاع الأسعار اللي بنعيشه، النهارده هنقولك طريقة عمل معطرات الجو بنوعين "الجيل والسبراي" بدل المواد الكيميائية الضارة وأسعارها الغالية.. هتحتاجي زيارة للعطار علشان تشتري..
للجيل:
نوعين أو 3 من الزيت العطري المفضل "لافندر، ليمون، نعناع، برتقال.. أو أي نوع"
ألوان طعام
3 أكياس من الجلاتين السادة
ملعقة ملح
2 كوب ماء
و3 برطمانات
الطريقة:
في كل برطمان ضيفي كام نقطة من لون الطعام اللي هتختاريه ويفضل البرتقالي مع زيت البرتقال وهكذا، وضيفي عليها معلقتين صغيرين من الزيت العطري.
على النار اغلي كوباية مايه، وضيفي حطي أكياس الجيلاتين التلاتة للماية المغلية وقلبي بالمضرب دقيقة، وبعدها ضيفي كوباية مايه فاترة مع معلقة ملح.
صبي الخليط على طول في البرطمانات وقلبي كويس، وسبيها تتماسك لمدة 24 ساعة، وهيبقى معطر عندك لمدة شهر.. ممكن تستخدميه في الحمام أو في البيت أو العربية.
للسبراي:
1 ملعقة صغيرة من بيكربونات الصوديوم "كربناتو"
قشور البرتقال أو الليمون
ملعقة صغيرة من أي زيت عطري تفضلينه
2 كوب من الماء الساخن
زجاجة سبراي
الطريقة:
ضيفي قشر الليمون والكربناتو مع الزيت العطري، وعليهم المايه المغلية وقلبي كويس وسيبي الخليط يبرد، وبعدها حطيه في زجاجة سبراي.. واستخدميه لمدة أسبوعين.
الكاتب
ندى بديوي
الأحد ٠٧ يناير ٢٠١٨
التعليقات
لا يوجد تعليقات
اترك تعليقا